母亲节的遗憾郑欣宜发文感性告白张智霖唔反对魔童入行

今日快报

母亲节的遗憾 郑欣宜发文感性告白

母亲节是答谢妈妈的好机会，好多人都会选择同妈咪食餐饭庆祝，不过并不是人人都有机会在母亲节与妈妈吃饭，这种遗憾歌手郑欣宜（Joyce）正正经历。Joyce在母亲节于社交网站上贴出年幼时与妈妈的合照，更写下对妈妈的感性告白，她说：“我永远爱我妈妈，她常常及永远在我心中，母亲节快乐。”

这对全港首个香港女子组合的1:6迷你人偶，身上的服装更需5位数开发成本，冠绝全球同类人偶！而一对人偶售价为二千多元。

城嫂深居简出 订定养和生B套房

传怀有“城种”近三个月的方媛备受城城疼爱，有见爱妻要打理网上时装生意，需要上海及香港两边走，已“下旨”叮嘱对方减少舟车劳顿，尽量在港养胎，据知城城已预订养和医院的套房作为方媛生B之用。

怀孕后的方媛口味亦有改变，不时亲自下厨，如深宵自制手抓饼，亦会常以蔬果作为主食，而过往无高踭鞋不欢的她，现已改穿厚底鞋或平底鞋,婚前在社交网上声称“走狗”、饲养五年的爱犬“皮皮”走失的方媛，日前被网友问到“皮皮”的下落时，她说：“结婚前一天自己跑走了，可能以为我不要它了，监控器都看不到！没有任何下落，它之前也每天闷闷不乐好像有心事！”指爱犬至今遍寻不获。

陈柏宇影婚照激嬲未婚妻：佢手指拗出

歌手陈柏宇以社区运动大使身分出席活动，讲到今日母亲节，他谓妈妈不在港，但因之前他和未婚妻符晓薇及家人齐齐到了英国影婚纱相加旅行，故已当庆祝了。讲到结婚，他谓很快就到：“依家每日都要决定好多嘢，例如布置，不过愈搞愈多嘢就愈贵，唔搞咁多可以悭啲。”

他又谓喜帖不知几时派好，笑言：“好熟嗰啲唔使派，环保啲同唔使咁贵，有啲又未必会派。”问到筹备婚礼期间可有试过与未婚妻有意见分歧？他笑言：“意见分歧即系我嗰个系错咁解，唔会用我嗰个，用佢嗰啲。”

讲到他们之前到了英国影婚纱相，他谓拍得好开心：“第一日就影正经少少嘅相，第二日就影番啲我喜欢嘅嘢，搞笑啲、活泼啲。（有冇cosplay？）冇。”

问到期间可有发生难忘事？两人可有吵架？他本身话冇，想了一会儿就话：“都有系咁意嗌一嗌，试过有一日我哋一行十人喺间朱古力铺买嘢，但间铺头好细，埋单嗰阵突然后面有个外籍女人好大力咁推左我一下，我就问佢做咩推我，讲唔该借借咪得，佢（未婚妻）就话我唔斯文，唔需要咁恶，但其实成件事我觉得系人哋唔啱先，但佢次次都嬲我同其他人嗌交，佢系手指拗出唔拗入，一次都冇帮我，不过我同佢讲呢番说话时其实都已经系用凼番佢嘅语气，所以其实我哋好快都冇事。”

张智霖唔反对魔童入行：有时冇得唔想

艺人张智霖（Chilam）及袁咏仪（靓靓）的爱情结晶品张慕童（魔童）转眼间10岁，魔童遗传了双亲良好的基因，社交网站有数万粉丝追纵，人气十足。有热血粉丝大赞魔童长得帅，绝对有继承双亲衣钵加入娱乐圈！

一向觉得娱乐圈工作相当辛苦的Chilam，曾多次受访明言不赞成儿子步其后尘，不过他接受媒体访问，即转口风谓：“依家我觉得每个人都有自己嘅一条命（运），作为家长嘅，有时冇得唔想，不过佢依家首要系努力读书，适当嘅年龄先做适当嘅嘢啦，佢第二时做啲咩依家冇人会知。（佢想唔想入行？）佢其实唔识呢啲嘢嘅。”话虽如此，Chilam又补充谓：“呢个世界除咗娱乐圈外，都仲有好多其他嘅工作，有啲仲对社会好有贡献添。”

另外，Chilam与靓靓趁母亲节，代表魔童送上大束鲜花给契妈伍咏薇，附卡写上“Dearest契妈 Happy Mother's Day!Morton”令伍咏薇甜入心，于社交网站“放闪”表示：“契妈都祝你身体健康平安快乐，学业进步，父母话，越（愈）大越（愈）…handsome！”Chilam受访谓：“契妈喎，每年都会咁做嘅，佢（魔童）梗系知我哋有咁嘅安排，佢都有畀（礼物）意见。（你哋一家人点庆祝？）会出街食饭，地点好秘密嘅，哈哈﹗”

舒淇开甫讲BB 网民齐留言恭贺有喜

舒淇自从上年公开咗同冯德伦结婚之后，佢嘅粉丝都好希望佢哋两位可以快啲有爱情结晶品，虽然不时都会传出有喜嘅消息，不过传闻始终都系传闻并唔系真。

寻日舒淇就出咗个甫，借BB嘅出世等琐碎事嚟赞扬母爱嘅伟大，原本应该系好温馨嘅一件事，点知佢啲粉丝可能太心急，一见到心中女神开口讲BB，就以为舒淇系趁母亲节公开喜讯，仲留言恭喜舒淇下年就可以做母亲节嘅主角。